Видео: Сити едвај, Ливерпул во последна секунда

Возбудливи натпревари се одиграа попладнево во Премиер лигата, каде Манчестер Сити и Ливерпул стигнаа до победи со пресврт.

„Црвените“ на гостувањето кај Астон Вила лошо го отворија натпреварот, па Трезеге во 21-та минута му донесе предност на домаќините. Меѓутоа тимот на Јирген Клоп не се предаваше до самиот крај.

Робертсон во 87-та минута погоди за израмнување, а Садио Мане после еден корнер во 95-та минута постигна гол за победа и голема радост на „црвените“.

Победа со пресврт запиша и Манчестер Сити, откако Саутемптон дојде до водство во 13-та минута преку Ворд-Праус. „Граѓаните“ се мачеа се до 70-та минута кога Агуеро погоди за израмнување, а победата на Сити му ја донесе Вокер при самиот крај.

Ново разочарување доживеа Арсенал кој на „Емирати“ одигра 1:1 против Вулверхемптон. Њукасл на гости славеше кај Вест Хем со 3:2