Челниците на германскиот второлигаш Динамо Дрезден објавија синоќа дека нивниот млад фудбалер Марк Вахс е сериозно повреден во вооружен напад кој вчера бил извршен во Висбаден.
Младиот, 21-годишен фудбалер бил заедно со свои роднини кога биле нападнати на улица и во нив било пукано од огнено оружје.
Младиот фудбалер е итно опериран и не е во животна опасност, но еден од неговите роднини им подлегнал на повредите во болницата и починал, додека другиот е посериозно повреден, но е надвор од животна опасност.
„Шокирани сме и тажни. Целото семејство Динамо е со Марк и неговата фамилија и ја понудивме сета помош која можеме да ја пружиме. Марк и неговата фамилија ќе ја имаат нашата поддршка во процесот на опоравување и ништо друго не е важно. Ги замолуваме медиумите да ја почитуваат приватноста на нашиот фудбалер и да го пуштат во мир да се опорави“, изјави спортскиот директор на клубот.
Учество во игри на среќа е дозволено за лица со 18+ години. Играј одговорно!