Видео: Бостон ја доби „мајсторката“, шампионот рутински

Синоќа во НБА лигата се одиграа два натпревари. Бостон ја доби мајсторката и го елиминираше Милвоки, додека Голден Стејт со победа тргна против Њу Орлеанс.

Бостон Селтикс оди во следната рунда од плејофот откако вчера го совлада тимот на Милвоки Бакс со резултат 112:96 и ја освои серијата со 4-3.

Хорфорд и Розиер со по 26 поени беа најпрецизни во домашниот табор, а солидна вечер имаше и Татум со 20 поени. Кај Милвоки се истакна Мидлтон, кој со 32 поени беше прв стрелец на мечот.

Противник на „зелените“ во конференциското полуфинале на Истокот ќе биде тимот на Филаделфија.

Атуелниот шампион Голден Стејт Вориорс стигна до водство од 1-0 во серијата против Њу Орлеанс Пеликанс, откако пред домашните навивачи триумфираше со резултат 123:101.

Томпсон со 27 поени беше најпрецизен на мечот, Дурант запиша само еден помалку, додека Грин мечот го заврши со фантастичен „трипл-дабл“ од 16 поени, 11 асистенции и 15 скока.