Венгер го договори првото засилување

Менаџерот на Арсенал, Арсен Венгер е блиску да го договори првото засилување во зимскиот преоден рок, пренесуваат англиските медиуми.

Станува збор за центрачниот дефанзивец на Јанина, Костантинос Мавропанос. Грчките медиуми тврдат дека во моментов 20-годишниот стопер е во Лондон за да го комплетира трансферот.

„Скај Спорт“ потврди дека преговорите се во напредна фаза и дека недостасуваат само детали, а трансферот ќе ги чини „топџиите“ 2,2 милиони фунти.

Меѓутоа, Мавропанос нема да настапува за Арсенал оваа сезона, туку ќе биде испратен на позајмица во Вердер Бремен.

BREAKING: Arsenal in advanced talks to sign Greek defender Konstantinos Mavropanos from PAS Giannina for around £2.2m. (Source: SkySports) pic.twitter.com/ovIohUz9hF

— Transfer News Live (@DeadlineDayLive) January 3, 2018