Ванда Нара: Има многу понуди, но желбата на Икарди е јасна!

Мауро Икарди ова лето сигурно ќе биде во центарот на внимането бидејќи се погласни се шпекулациите дека ќе го напушти Интер.

Сепак, неговара сопруга и агент, Ванда Нара упорно тврди дека нема вистина во медиумските написи и дека Икарди сигурно останува во Интер.

„Медиумите пишуваат за понудите на Икарди. Уморна сум веќе да повторувам дека тој ќе остане во Интер. Првиот ден од преодниот рок јас ќе го исклучам телефонот“, изјави Ванда за италијанските медиуми.

Икарди има договор со Интер до 2021 година, а многу европски гиганти се заинтересирани за неговиот потпис.

„Има многу понуди за него. Ме контактираа најдобрите екипи во Европа, но тој сака да остане во Милано. Го сакаат најсилните клубови. Неговата желба е јасна, да остане во Интер, без разлика кој ќе биде тренер“, додаде Ванда.