Валверде по поразот: Го имавме натпреварот во раце, не бевме надиграни

На тренерот на Барселона Ернесто Валверде столчето после поразот од Атлетико му се тресе повеќе од било кога.

Шпанските медиуми пишуваат дека Валверде е многу блиску до отказ. После натпреварот Валверде самиот даде коментар на таа тема.

„Знаеме каков е фудбалот. Оваа работа подразбира доза несигурност. Кога резултатите се лоши и кога губите, како што се случи сега очекувано е да се зборува за тоа. Неизбежно е. Доминиравме, но одлучија детали на кои не можевме да влијаеме. Го имавме натпреварот во рацете. Не мислам дека бевме надиграни“, изјави Валверде.

Инаку, Барселона на овој начин пропушти шанса во финалето да игра против Реал Мадрид.