Важен потпис на „Енфилд“: Матип останува верен на Ливерпул!

Дефанзивецот на Ливерпул, Жоел Матип потпиша нов договор со клубот и се обврза на верност до 2024 година со „црвените“.

Матип се етаблираше како првотимец во тимот на Клоп и беше еден од клучните играчи на Ливерпул минатата сезона во освојувањето на Лигата на шампионите.

Во Ливерпул дојде од Шалке во 2016 година, до сега има одиграно 107 меча и заедно со Ван Дајк го формира еден од најдобрите дефанзивни тандеми во Европа.

„Мило ми е што сум дел од овој прекрасен клуб. „Кога гледате однадвор, знаете дека Ливерпул е голем клуб. Но, кога сте внатре во клубот, навистина ја сфаќате големината. Клубот има навивачи низ целиот свет. Секој фудбалер би сакал да игра за ваков клуб“, изјави 28-годишниот Камерунец.