Брајтон ја одби и втората понуда од Арсенал за Каиседо

Раководството на Брајтон ја одбило и втората понуда на Арсенал од 70 милиони фунти за Моисес Каиседо, информираат медиумите на Островот.

Брајтон претходно одби една понуда од Арсенал  за која се тврди дека била тешка 60 милиони фунти. Клубот не сака да се раздели со 21-годишниот фудбалер за сума помала од 100 милиони евра.

Англиските гиганти е борат за потписот на Еквадорецот, кој се етаблираше во еден од најдобрите играчи за врска во Премиер лигата.

Каиседо е голема желба на Артета, но Брајтон ја одби понудата од 70 милиони фунти, па не е познато дали „топџиите“ ќе испратат погобата понуда до крајот на преодниот рок.