Богдановски и Жоглев се првите засилувања за Тетекс за вториот дел од сезоната

Tимот на Тетекс денес ги објави првите две засилувања за вториот дел од сезоната.

Тетовскиот клуб прво го потврди доаѓањето на 22-годишниот Стефан Богдановски од редовите на Кадино. Претходно во кариерата Богдановски го носеше дресот на Борец, Серед и Спартак Трнава. Потекнува од фудбалската школа на Работнички.

Второто засилување за Тетекс од Беса, 23-годишниот напаѓач Владимир Жоглев. Жоглев покрај Беса настапува за Осогово, Победа, Борец и Скопје.