Беше пред трансфер во Барселона, а сега станува соиграч на Алиоски во Лидс?

Пред неколку месеци одличниот напаѓач на Валенсија беше на мета на Барселона, а сега би можел да заврши во Премиер лигата.

Имено, за услугите на Родриго интерес покажал клубот на македонскиот репрезентативец Езгјан Алиоски.

Валенсија е во големи финансиски проблем и мора да продава ова лето, а еден од играчите кои скоро сигурно ќе замине е токму Родриго.

Прашање е само дали ќе прифати трансфер во екипа како што е Лидс, но веројатно и тој има желба трансфер во Премиер лигата.

Треба да се напомене дека главен иницијатор за интересот за Родриго бил стратегот на Лидс, Марсело Биелса.