Бесни навивачи: Платиле над 10.000 евра да го гледаат „Последниот танц“ на Меси и Роналдо, а не добија ништо

Пред два месеци натпреварот помеѓу Ал Наср и Интер Мајами во Ријад беше означен како „Последниот танц“ на двете најголеми фудбалски ѕвезди на денешницата – Лионел Меси и Кристијано Роналдо, но тоа не се случи.

На два дена пред натпреварот Ал Наср соопшти дека Роналдо нема да се појави на теренот поради ситна повреда. Во таква ситуација Интер Мајами одлучи и Меси да биде на клупата.

Аргентинецот само поради скапите карти влезе во игра на десетина минути пред крајот кога резултатот веќе беше 6:0 за Ал Наср. Секако дека тие минути не се доволни за скапите влезници кои ги платија навивачите.

На стадионот имаше и навивачи кои вип билети платија и по 10.385 евра. Стануваше збор за билети кои се продаваа на аукција преку сајтот „Setpick“, почетната цена изнесуваше 185 евра.