Бенитез се враќа во Њукасл и прави дрим-тим

Новото раководство на Њукасл сака да го врати клубот на врвот на англискиот фудбал и веќе го започна скапиот проект.

Новиот сопственик од Саудиска Арабија најпрво сака да донесе етаблирано тренерско име, а последните информации од Островот се дека започнале преговори за враќање на Рафа Бенитез на кормилото.

Бенитез засекогаш ќе остане во срцето на навивачите на Њукасл затоа што остана во клубот кога тој испадна во Чемпионшип лигата, го врати во Премиер лигата, а во наредните две сезони го доведе клубот на безбедна позиција на средина на табелата и замина поради недоразбирање со Мајк Ешли.

Бин Салман и понатаму чека потврда за преземање на клубот за 300 милиони евра, а потоа се очекува уште толку да бидат вложени во изградба на силен тим.

Бенитез ќе доние огромен буџет за засилувања, а на листата се наоѓаат Баркли од Челзи, Стоунс од Манчестер Сити и Игуаин од Јувентус.

Новите сопственици сакаат да донесат и една голема фудбалска ѕвезда, па ќе се обидат да го купат и Кутињо од Барселона.