Бензема: Сега сум лидер во нападот, порано играв за Роналдо

Напаѓачот на Реал Мадрид, Карим Бензема оваа сезона игра фантастично.

Французинот излезе од „сенката“ на Кристиано Роналдо и како што вели се привикнува на новата улога на лидер во нападот.

„Сега сум лидер во нападот, порано играв во служба на Кристиано. Секогаш се обидував да му помогнам да даде што повеќе голови“, изјави Бензема во интервју за „Франс Фудбал“.

„Претходно бев во втор план. Сега зависи од мене да покажам дека можам да постигнувам голови. Се чувствувам дека сум во одлична форма и како да летам“, додаде Французинот.