Бартомеу објасни зошто Барселона го доведе Пјаниќ

Миралем Пјаниќ од наредната сезона ќе го носи дресот на Барселона.

Каталонскиот тим минатата недела постигна договор со Јувентус за размената Пјаниќ – Артур. Претседателот на Барселона, Хозе Марија Бартомеу ја објасни причината поради која Барселона се реши да го доведе Пјаниќ.

„Причините се прво спортски, а потоа и економски. Долго време го сакавме Пјаниќ поради неговите технички квалитети“, објасни Бартомеу.

Јувентус на Барселона ќе и исплати дополнителни 10 милиони евра за овој трансфер, Пјаниќ со Барселона потпиша договор на четири години.