Барселона тргнува по шпански репрезентативец

Барселона е силно заинтересирана за ѕвездата на Реал Сосиедад, Микел Ојарсабал, пренесува каталонски „Спорт“.

22-годишниот шпански репрезентативец одигра одлична сезона и го привлече вниманието на Каталонците кои спремаат понуда за да го донесат на „Камп Ноу“.

Крилниот напаѓач ја заврши сезоната со 14 постигнати гола, а во понеделникот го постигна и првиот гол за „црвената фурија“.

Меѓутоа, Барселона тешко дека ќе може да постигне договор со Сосиедад кој не сака да преговара и бара да биде платена откупната клаузула која изнесува 70 милиони евра.

Барса е во потрага по напаѓач, а на нејзиниот список се уште Родриго од Валенсија и Кристиан Стуани од Џирона.

https://youtu.be/F0cB7B4aRM0