Барселона не се откажува од Пјаниќ – Јувентус ја одреди цената!

Актуелниот италијански шампион, Јувентус ја одреди цената за играчот на Босна, Миралем Пјаниќ.

Одличниот играч за врска во моментов е една од најинтересните приказни во трансфер периодот, а за неговите услуги е заинтересирана Барселона.

Италијанските медиуми од час во час донесуваат информации поврзани за евентуалниот трансфер на Миралем Пјаниќ, а ако можеме да му веруваме на „Tuttosport“, управата на „Старата дама“ одлучи за колку пари ќе го продаде Пјаниќ.

Станува збор за 80 милиони евра, а доколку дојде до трансфер, „Старата дама“ ќе се обиде со сите сили во своите редови да го доведе Сергеј Милинковиќ Савиќ од Лацио.