Баерн со пресврт славеше над ПСЖ – гол за синот на легендат и мајсторија на „отпишаниот“ (видео)

Баерн Минхен и ПСЖ попладнево одиграа пријателски натпревар во Кленгефурт во кој на крајот Германците славеа победа со 3:1

Иако ПСЖ водеше на полувремето со 1:0, Баерн во вториот дел заигра во нов подмладен состав кој им одржи вистинска лекција на „светците“.

Секако, од овој натпревар не беа дел бројните ѕвезди кои учествуваа на неодамна завршеното Светското првенство, но играа фудбалери како Буфон, Робен, Рибери...

Синот на Џорџ Веа, Тимотни го постигна единствениот гол во првиот дел кога во 31 минтуа го совлада голманот на Баерн Улреихт.

Во вториот дел Баерн комплетно го промени тимот. Мартинез во 60 минута погоди за 1:1, потоа во 68 минута отпишаниот Ренато Санчез постигна гол за водство од 2:1, за Зиркзе во 78 минута да ги постави конечните 3:1.