Атлетико Мадрид спреми понуда за Месут Озил

Атлетико Мадрид е спремен да понуди 20 милиони фунти за плејмејкерот на Арсенал, Месут Озил пренесуваат шпанските медиуми.

Озил не влегува повеќе во плановите на Унаи Емери и Арсенал е спремен да се радели со Германецот, но проблем при трансферот може да претставува високата плата.

Озил во моментов на „Емирати“ заработува 350.000 фунти неделно, и ниту еден од заинтересираните клубови не е спремен да му ја дава таа плата.

„Топџиите“ сакаат по секоја цена да се ослободат од Озил и од неговата висока плата, бидејќи тоа ќе им овозможи да бидат активни на трансфер пазарот.

Атлетико е заинтересиран за Германецот, но за да се реализира трансферот Озил треба да прифати помала плата.