Арсенал му соопштил на Рамзи: Можеш да заминеш – четири гиганти во трка за неговиот потпис!

Уште пред еден месец новинарите на „Мирор“ најавија дека Арон Рамзи ќе го напушти Арсенал на лето.

Меѓутоа сето тоа на играчот никој не му го соопштил се до сега. Според „Дејли Мејл“, Рамзи добил порака дека може да си бара нов клуб, а главната причина за тоа е од финансиска природа.

Самиот играч минатата недела се пожали на новинарите дека никој од клубот не му соопштил ништо, но сега му е соопштено дека неговиот договор нема да биде продолжен. Најмногу поради финансиски причини.

Арсенал смета дека нема да може да го продаде Рамзи на зима, но и самиот играч веројатно би добил поголема плата кога би потпишувал за некој клуб следното лето.
Споменатиот „Дејли Мејл“ тврди дека ситуацијата со Рамзи ја следат Јувентус, Баерн Минхен, Манчестер Јунајтед и Челзи.

Рамзи во Арсенал пристигна во 2008 година од редовите на Кардиф и до денес одигра 343 натпревари за клубот од Северен Лондон. Оваа сезона настапи на 12 натпревари во сите натпреварувања.