Арсенал спреми богата понуда за Хакими

Арсенал покажува сериозен интерес за бекот на Интер, Аштраф Хакими, пренесува „АС“.

Мароканецот минатото лето пристигна во Милано и игра фантастична сезона, па се промовираше во еден од најдобрите бекови во Европа.

Меѓутоа, Интер има финансиски потешкотии и се уште во целост го нема исплатено трансферот на Реал Мадрид, па поради тоа Арсенал е спремен да испрати понуда.

„Нероаѕурите“ не сакаат да се разделат со својата ѕвезда, но имаат сериозни финансиски проблеми, па може да ја разгледаат понудата од „топџиите“.

Медиумите тврдат дека Интер е спремен да го продаде Хакими доколку пристигне понуда од 50 милиони евра.