Аргентинската легенда и следната сезона останува во Спарс

Еден од најдобрите кошаркари во историјата на Аргентина, Ману Џинобили и наредната сезона ќе игра во дресот на Сан Антонио Спарс, објавија американските медиуми.

Деталите од договорот сеуште не се познати, но она што е познато е дека наредната сезона ќе биде 16-та во НБА лигата за Џинобили.

Аргентинецот, кој наскоро ќе наполни 40 години, со Сан Антонио има освоено четири шампионски титули и три пати бил учесник на „Ол Стар“ натпреварот.