Англичаните чекаат брз одговор на Саутгејт

Фудбалската асицијација на Англија ќе побара од селекторот Герет Саутгејт да донесе брза одлука за својата иднина, тврди „Дејли Мејл“.

После елиминацијата во четвртфиналето на Мундијалот, Саутгејт истакна дека може да го напушти кормилото бидејќи не е задоволен од критиките во последните 18 месеци.

Минатата година Англија играше финале на Европското првенство, а сега на Мундијалот се претставија добро, но беа елиминирани од Франција.

Саутгејт има уште една година договор, но доколку донесе одлука да замине Федерацијата има две имиња на списокот, Покетино и Тухел.