Вчера Вардар ја запиша втората победа оваа година откако во второто коло од СЕХА лигата во Скопје црвено-црните славеа против Нексе.
Сепак Вардар немаше многу време за прослава и анализа на овој натпревар затоа што веќе во четврток ги чека натпревар против Порто на гости во рамките од Лигата на шампионите.
Шанса да станеш YouTuber! Приклучи се! ↓↓↓
„После тешкиот натпревар со Нексе пред тргнувањето за Португалија одработивме еден полесен тренинг. Сакавме позитивните работи од тој дуел да ни останат во сеќавање и со добра атмосфера да отпатуваме на ова гостување. Мислам дека добро работиме и го анализираме противник, но дали е така ќе видиме во четврток на натпреварот. Ќе имаме еден тренинг на португалско тло и на тој ќе ја финализираме нашата тактика и пристапот на игра. Секако дека натпреварот ќе биде тежок, Порто е како репрезентација на Португалија. Најголемата опасност се нивните бекови, се надевам ќе успееме да ги затвориме“, изјави Алушовски.