Алкараз го освои Индијан Велс и го симна Ѓоковиќ од врвот

Откако Карлос Алкараз го победи Данил Медведев во финалето на Индијан Велс со 6:3 и 6:2 Новак Ѓоковиќ повеќе не е најдобар тенисер во светот.

Се очекуваше Медведев да пружи посериозен отпор, сепак Алкараз лесно стигна до третата титула во турнирската серија која е веднаш зад гренслемовите. Шпанскиот тенисер има максимален учинок во финалните дуели и стана трет тенисер со таков учинок.

Во финалето Русинот одигра под очекувањата и го претрпе првиот пораз по 20 победи во низа и три освоени турнири во Ротердам, Доха и Дубаи.

На врвот на АТП, Алкараз има повеќе поени од Ѓоковиќ, а пред него е турнирот во Мајами каде што ја брани титулата, а Ѓоковиќ лани не настапи тука. Ова значи дека Алкараз ќе мора да го освои овој турнир ако сака да остане лидер, во спротивно Ѓоковиќ ќе се врати на првата позиција.