Алиоски: Навивачите на Фенер се најдобрите, ова е најголемиот клуб во Турција

Репрезентативецот на Македонија, Езгјан Алиоски вчера стана нов фудбалер на Фенербахче и после Елиф Елмас стана вториот македонски репрезентативец кој го носел дресот на овој клуб.

Во Фенербахче тој пристигнува на едногодишна позајмица од саудискиот Ал Ахли. Вчера беше и промоцијата на македонскиот репрезентативец.

„Конечно дојде и овој момент. Со нетрпение чекав, а сега не можам да ги опишам чувствта. Прекрасно се чувствувам и возбуден сум што доаѓам во овој клуб. Кога првпат слушнав за интересот на Фенербахче, бев импресиониран затоа што ова е најголемиот клуб во Турција.

„Најважно од се е што тука навивачите стојат позади вас, со нив имате чувство дека сте играч повеќе на теренот. Навивачите на Фенер се најдобрите во Турција, сакам да ја почувствувам таа поддршка на теренот“, изјави Алиоски.