Аларм во Ливерпул: Мане може да замине, Клоп бара замена

Ливерпул би можел во текот на летото да остане без еден од најдобрите фудбалери, Садио Мане, пренесуваат медиумите на Островот.

Ливерпул веќе една година се обидува да ја продолжи соработката, но Сенегалецот досега ги одбива понудите.

Британските медиуми пишуваат дека Сане добил понуда од Ливерпул уште во октомври минатата година, но ниту по девет месеци напаѓачот не става потпис на нов договор.

Наводно, Мане чека повик од Реал Мадрид, што го приклучи „алармот“ во Ливерпул да бара негова замена.

Реал Мадрид е спремен да го сруши клупскиот трансфер рекорд и спремил понуда од 150 моилиони фунти, која „црвените“ тешко ќе можат да ја одбијат.

Англиските медиуми тврдат дека Ливерпул веќе бара замена за Мане, а доколу Сенегалецот се пресели во Реал, „црвените“ ќе тргнат по Рахим Стерлинг од Манчестер Сити.