Агентот потврди: Херојот на Наполи може да замине ова лето!

Калиду Кулибали е херојот на Наполи, откако го постигна победоносниот гол против Јувентус, но неговиот агент денес ги шокираше „наполитанците“.

Кулибали веќе две сезони игра фантастично и се етаблираше во еден од најдобрите дефанзивци во Европа, па многу европски гиганти покажуваат интерес за него.

Минатото лето Челзи нудеше 50 милиони евра, но Наполи не сакаше да слушне за продажба и ги одби сите понуди, а дефанзивецот потпиша нов договор.

Кулибали има договор со Наполи до 2021 година, но проблем за италијанскиот клуб е што има откупна клаузула од 70 милиони евра.

„Постои можност Кулибали ова лето да го напушти Наполи. Во фудбалот се е можно, особено кога некој играч има откупна клаузула. Многу клубови се интересираат за него, но сега тој е фокусиран исклучиво на Наполи и борбата за Скудетото“, изјави агентот на дефанзивецот, Бруно Сатин.

Покрај Челзи интерес за Кулибали покажуваат уште клубовите од Манчестер, Баерн Минхен и Пари Сент Жермен.