Џошуа направи „трансфер“ од 100 милиони фунти

Ентони Џошуа го напушти Скај Спорт како медиум кој имаше ексклузивно право да ги пренесува неговите борби.

Тој се приклучи на компанијата DAZN, која е во сопственост на промоторот Еди Херн. За овој трансфер поранешниот светски шампион во супертешка категорија доби 100 милиони фунти.

„Влегов во нова фаза од мојата кариера. Го сменив тренинг-амбиентот, го сменив тренерот, сега медиумот. Сега можам целосно да се посветам на боксот и да им дадам можност на сите што гледаат DAZN да видат некои нови нокаути“, изјави Џошуа.

Тоа значи дека реваншот меѓу Украинецот Усик, актуелниот светски шампион и Џошуа ќе биде на стрим каналот ДАЗН.