Јувентус се припрема за утрешниот спектакл на „Сантијаго Бернабеу“ каде што ќе се обиде да го надополни огромното заостанување од 0:3 против Реал Мадрид.
Тренерот на „старата дама“ Масимилијано Алегри на денешната конференција за медиумите откри дел од плановите за реваншот.
Новинарите го запрашаа Алегри со каков систем ќе го започне натпреварот, а Италијанецот даде јасен одговор.
„Ќе започнеме со тројца напаѓачи, тоа е сигурно. Единствен кој е сигурен е Гонзало Игуаин, а ќе играат двајца од Манџукиќ, Квардадо и Даглас Коста“.
„Не мислам дека можеме да го свртиме натпреварот после 20 минути. Мораме да играме како да е 0:0 и ќе видиме на крајот како се ќе се заврши. Реал има искуство и знам дека ќе биде тешко, но нема да се откажеме пред време“, изјави Алегри.
Учество во игри на среќа е дозволено за лица со 18+ години. Играј одговорно!