Јувентус сакаше да ја „украде“ ѕвездата на Рома – играчот кажа НЕ

Јувентус се обиде со истиот рецепт од минатата година.

Имено, како што пишуваат италијанските медиуми сакаат да ја повторат ситуацијата со Пјаниќ и Игуаин, да ја платат клаузулата и да ги ослабат ривалите. Станува збор за Кевин Стротман од Рома чија клаузула е 45 милиони. Холанѓанецот по тешката повреда успеа да се опорави и да одигра одлична сезона.

Јувентус бара играч за врска, Н`Зонзи чини 40 милиони, Матуиди е опција, но по Алегри е престар, па се споменуваат уште неколку играчи. Стротман скокна како изненадување, беше до трансфер на летото, но Холанѓанецот не сака да ја издаде Рома која му пружи поддршка и му даде нов договор, по тешките повреди на коленото.

Се останатото е само намерата на шампионот, кој ја завршува работата околку Кеита од Лацио, но и има намера да го продаде Квадрадо за 30 милиони евра.

Денеска си заминува Лемина, од него Јуве ќе заработи 20 милиони евра, колку што и им плати на Саутемптон.