Јувентус откри кога ќе зборува со Алегри за неговата иднина во клубот

Масимилијано Алегри има договор со Јувентус до 2020. година и е еден од најуспешните тренери на „Старата дама“.

Сепак тој е еден од главните кандидати за местото тренер на Арсенал, па не е невозможно Јувентус да бара нов тренер. Јувентус се уште не ја освои математички титулата, а за тоа им недостига уште само еден бод. Тогаш управата ќе зборува со Алегри кој е меѓу кандидатите за клупата на Арсенал.

Алегри претходно зборуваше дека нема причина да си оди од Јуве бидејќи има договор до 2020. година, но исто така изјави дека новата работа ќе му биде некоја која не е од Италија. Еден од управата на торинскиот клуб, Џузепе Марота изјави дека се надева дека клубот ќе го убеди успешниот тренер да остане.

„Имаме добар однос со Алегри. Тој однос функционира и функционираше добро. По освојувањето на Скудетото ќе разговараме и мислам дека двете страни ќе бидат задоволни. Математиката се уште не дозволува да ја славиме титулата и мораме да бидеме реални. Чувствуваме дека титулата е тука, но ни недостига тој бод“, изјави Марота.