Ѓоковиќ супериорно до финалето во Австралија

Новак Ѓоковиќ се пласира во финалето на Австралија опен, откако убедливо го совлада Томи Пол со 3:0 во сетови (7:5, 6:1, 6:2).

Србинот стартуваше фуриозно, поведе со 5:1 во гемови, но потоа имаше мал пад во играта, па Томи Пол успеа да израмни на 5:5. Сепак, Ѓоковиќ го освои првиот сет со 7:5 во гемови, а следните два сета беше супериорен.

Ѓоковиќ се пласираше во своето 10-то финале на Австралија Опен и ќе се бори за десеттата титула во дуелот со Стефанос Циципас, кој претходно денеска го совлада Карен Хачанов во четири сета.