Ѓоковиќ се намачи на првиот меч на Индијан Велс

Новак Ѓоковиќ се пласираше во третото коло на турнирот во Индијан Велс, откако потешко од очекувањата го совлада Александар Вукиќ во три сета со 6-2, 5-7 6-3.

Најдобриот светски тенисер многу се мачеше против 69. тенисер во светот. Ѓоковиќ одлично го отвори мечот, го доби првиот сет со 6-2, но потоа Вукиќ возврати, беше подобар во вториот сет со 7-5 и изедначи на 1-1.

Сепак, Србинот не дозволи изненадување, третиот решавачки сет го доби со 6-3 и дојде до победа од 2-1 во сетови.

Во следното коло ривал на Ѓоковиќ ќе му биде 20-годишниот Италијанец Лука Нарди, кој никогаш во кариерата не се пласирал меѓу 100-те најдобри во светот.