Ѓоковиќ го обвинија дека лаже, Бекер го брани

Српскиот тенисер Новак Ѓоковиќ се пласираше во четвртото коло на Австралија Опен, меѓутоа сите се загрижени поради неговата повреда.

Забележително е дека Ѓоковиќ има проблеми со задната ложа и дека тоа му прави проблеми во натпреварите. Меѓутоа многумина сметаат дека Новак само глуми и дека не е навистина повреда.

Реакција сега на ваквите коментари имаше легендарниот Борис Бекер.

„Го познавам Ѓоковиќ долго време и знам дека тој навистина има проблем со повреда. Не верувам дека би се однесувал така ако е се во ред“, објасни Бекер во изјавата за „Еуроспорт“.

Во следната рунда Ѓоковиќ го чека меч против Де Минор.

„Добро започнав, но потоа поради некое двиежње работите тргнаа наопаку. Трошам многу енергија покрај се на теренот. Ги прифатив и среќен сум што воопшто можам да играм. Како изгледаше ситуацијата пред почетокот на турнирот мислев дека нема да може да играм“, изјави Новак.