Челзи и Манчестер Јунајтед се „тепаат“ за бекот на Интер

Челзи и Манчестер Јунајтед се силно заинтересирани за холандскиот репрезентативец и играч на Интер, Дензел Думфрис.

Холаѓанецот оваа сезона се етаблираше во еден од најдобрите десни бекови, а одигра одлично и на Мундијалот.

Интер има финансиски проблеми, па доколку пристигне понуда повисока од 50 милиони евра е спремен да го продаде дефанзивецот.

Манчестер Јунајтед и Челзи се спремни да ја платат таа сума и веќе ја започнаа битката за неговиот потпис.

Италијанските медиуми пренесуваат дека агентот пристигнал во Англија и ќе има средба со двата клуба, но трасферот најверојатно ќе се реализира на лето, а не до крајот на овој преоден рок.