Фудбалерот на Барселона, Осман Дембеле би можел да си замине од „Камп Ноу“ доколку за него пристигне добра понуда, пренесуваат шпанските медиуми.
Зошто проблемот со улични кучиња СÈ УШТЕ постои? | Уште еден поткаст
Трпението на луѓето во Барселона истече, Дембеле влезе во серија повреди, а неговиот неспортски живот веќе е добро познат и на јавноста. Поради тоа менаџерот Муса Сисоко кој го застапува младиот фудбалер веќе започнал да преговара со заинтересираните страни.
За Дембеле се интересираат Челзи, Арсенал и Манчестер Сити кои би можеле да го ангажираат за многу помалку пари од тоа што го донесе Барселона од Борусија Дортмунд.
Челзи веќе започнал преговори со агентот на Дембеле и ја испитува можноста за трансфер во јануари, иако Шпанците тврдат дека агентот не добил дозвола од Барса за преговори.
Каталонците за Дембеле потрошија 140 милиони евра и се надеваат дека ќе вратат поголем дел од вложената сума. Шпанските медиуми тврдат дека трансферот би можел да изнесува околу 90 милиони евра.