Чави го губи трпението: Фудбалерот за кој Барса плати 58 милиони евра е пред заминување

Барселона во овој период не игра како што посакува тренерот Чави Ернандез, па поради тоа се очекува да има промени, а шпанските медиуми најавуваат дека еден од оние кои ќе си заминат е Бразилецот, Рафиња.

Според последните информации стратегот на Барселона го изгубил трпението со бразилскиот фудбалер и нема намера повеќе да го чека да ја врати старата форма.

Во редовите на Барселона, Рафиња пристигна од Лидс за сума од 58 милиони евра и дресот на каталонците го носеше на 68 натпревари во кои постигна 19 гола и запиша 13 асистенции.

Како можна нова дестинација на Рафиња повторно се споменува Премиер лигата и тимот на Њукасл.