![](https://sportski.mk/wp-content/uploads/2024/05/Screenshot-2024-05-14-153458-850x491.jpg)
Шпанскиот фудбалер Лукас Перез е еден од главните херои во актуелната фудбалска сезона во Европа, бидејќи е херој на една убава приказна со славниот шпански тим Депортиво од Ла Коруња.
Перез на почетокот на 2023 година одлучи да направи необичен потег и да го плати трансферот од свој џеб за да се врати во Депортиво и да му помогне на овој клуб. На сето тоа тој дојде во Депортиво од Ла Лига каде што го носеше дресот на Кадиз.
Лига Нации: Се освен прво место ќе биде катастрофа за Македонија! ↓↓↓
Самиот Перез плати 500.000 евра за неговиот трансфер во Депортиво, а сега е најзаслужен што овој славен клуб, поранешен шампион на Шпанија се враќа во Сегунда (втората шпанска лига).
Сезонава Перез, поранешен напаѓач на Арсенал, е убедливо најдобриот фудбалер на Депортиво, за кого на 30 натпревари постигна 12 гола и забележа 17 асистенции.
Last January, Lucas Pérez left LALIGA side Cádiz to sign for his hometown club Deportivo de La Coruña in the third division to help bring them back to LALIGA.
— ESPN FC (@ESPNFC) May 13, 2024
He paid €493k, half of the transfer fee, out of his own pocket to make the move happen.
This weekend, he scored the… pic.twitter.com/dS9adcTvO7
„Ми зборуваа дека сум луд кога се вратив. Не разбираа што е Депортиво. Сакав да му вратам на клубот нешто од она што некогаш го земав, што не можев да го заборавам, и на мојот град и Депортиво, на моето семејство. и пријателите“, изјави Перез во интервју за „Ас“.
На две кола пред крајот, со победата од 1:0 над Барселона Б, Депортиво го обезбеди првото место на табелата и пласманот во Сегунда дивизија по три години поминати во третата лига. Перез го постигна победничкиот гол на овој натпревар.
Перез е роден во Ла Коруња пред 35 години и кариерата ја започна во овој клуб, а подоцна настапуваше за Атлетико Мадрид, Рајо Ваљекано, украински Карпати и Динамо Киев, грчки ПАОК, Арсенал, Вест Хем, Алавес, Елче и Кадиз.
Депортиво своевремено важеше за еден од најдобрите шпански клубови, а беше национален шампион во 2000 година кога за овој тим играа едни од најдобрите фудбалери во светот. Покрај титулата во Шпанија, Депортиво трипати го освојуваше и шпанскиот куп.