Франција засилена во продолжението од ЕП

Светскиот првак Франција денеска против Шведска ја стартува главната фаза на Европското првенство. Селекторот Дидие Динар за втората рунда реши да направи две измени во составот.

Во францускиот состав се враќа Лука Карабатиќ, кој не играше во првиот дел од првенството поради повреда на скочниот зглоб. Тој се повреди пред две недели на еден пријателски натпревар против Египет. Иако селекторот Динар најавуваше дека нема да брза со Лука Карабатиќ поради повредата, тој ги изненади сите со одлуката толку рано да го врати во составот.

Карабатиќ ќе го замине Бенџамин Афгур, додека Динар се реши за уште една измена, па на трибините се преселува Тимотеј Енгесан, кој го повреди коленото со Белорусија, а во конкуренција влегува ракометарот на Нант, Роман Легард.