Флик: Барселона може да ја освои Лигата на шампиони

Тренерот на Барселона, Ханси Флик без „дипломатски ракавици“ призна дека неговиот тим оваа сезона може да триумфира во најелитното натпреварување.

Барселона утре ја започнува авантурата во Лигата на шампиони против Монако.

„Можеме да ја освоиме Лигата на шампиони. Големите клубови како Барса сакаат да освојуваат титули и Лигата на шампионите е најдоброто натпреварување во светот. Подготвени сме да играме против најдобрите“.

„Не ме интересира минатото, треба да се фокусираме на сегашноста. Имаме серија на победи во Ла Лига и треба да останеме фокусирани што е неопходно кога стартувате во ЛШ. Што и да се случувало во минатото, останува во минатото“, изјави Флик.