Фердинанд: Колку денес би вределе Роналдо и Роналдињо?

Цените на играчите во модерниот фудбал се се поголеми, а англиската легенда Рио Фердинанд на социјалните мрежи се запраша колку денес би вределе мајстори како Роналдо и Роналдињо.

Со објавата на слика од двајцата легендарниот фудбалери поранешниот стопер напиша:

„Колку овие двајца би вределе во денешниот фудбал?“.

Фердинанд алудираше на високите цени на играчите кои се исплаќаат во последните години. Најголемиот трансфер на сите времиња е оној на Нејмар од Барселона во ПСЖ за 222 милиони евра во 2017 година. За споредба Роналдо во 1997 година премина од Барселона во Интер за во тоа време огромни 17 милиони фунти.