Фановите на Реал поделени околу враќањето на Роналдо

Фановите на Реал Мадрид се поделени околу актуелната тема за евентуалното враќање на Кристиано Роналдо во „кралскиот“ клуб.

Нормално, во моментов се е на ниво на шпекулации, кои се засилија после елиминацијата на Јувентус во осминафиналето од Лигата на шампиони.

Скоро 120.000 фанови учествувале во анкетата која ја направи мадридскиот весник „АС“ и 54% од нив гласале за враќање на Роналдо, додека 46% не го сакаат повеќе на „Сантиаго Бернабеу“.

Според информациите од Италија, Јувентус е спремен да ја продаде португалската ѕвезда на лето за 29 милиони евра, бидејќи има уште една година од договорот.