Три клуба од Серија А во трка за потписот на Трајковски!

Македонскиот напаѓач, Александар Трајковски игра одлично на стартот од сезоната во Серија Б.

Откако беше сместен помеѓу најдобрите 10 играчи во втората италијанска лига, Трајковски доби ново признание за добрите настапи.

Медиумите на „Чизмата“ тврдат дека три клуба од Серија А сакаат да го видат во своите редови уште во јануари. Според последните информации за потписот на Трајковски интерес покажале Каљари, Киеви и СПАЛ.

Трајковски во Палермо пристигна пред три години од редовите на Зулте Варагем и неговиот актуелен договор со актуелниот второлигаш во Италија има важност до 2020 година.

Во пишувањето на медиумите се наведува и дека Палермо сака да го задржи до крајот на сезоната, но адекватна понуда веројатно би можела да ги промени нивнтие планови.

Засега информации за потенцијалната висина на понудата не се откриваат.

трај