Тотенхем спреми богатство за да го задржи Ериксен!

Тотенхем сака по секоја цена да го задржи Кристиан Ериксен во своите редови и е спремен да му понуди богат договор на данскиот плејмејкер, пренесуваат англиските медиуми.

Во моментов Ериксен заработува 70.000 фунти неделно, додека „спарси“ се спремни да му дадат двојно повеќе со новиот договор.

Договорот на Ериксен истекува во 2020 година, па на лето ќе влезе во последната година од договорот. Тој е трансфер мета на Реал Мадрид, ПСЖ и Барселона.

Во моментов 26-годишниот плејмејкер се уште не постигнал договор со раководството, кое брза да ја „блиндира“ својата ѕвезда со нов договор.