Австралискиот тенисер Ник Линдал поради местење на мечеви доби седумгодишна суспензија и парична казна од 35.000 долари.
Единицата за интегритет во тенисот (TIU), соопшти дека Линдал планирал да намести меч на турнирот во Тувумба, Австралија.
Александар Вучковски - сомелиер: Како македонските вина го освојуваат светот? ↓↓↓
28-годишниот Линдал, планирал да ја оживее кариерата која ја заврши во 2013 година. Со суспензијата тој нема да може да посетува било какви настани поврзани со тенисот во наредните седум години. Најдобар пласман во кариерата на АТП листата на овој Австралиец му беше 187-то место.
Во споменатиот инцидент учествувале уште двајца тенисери од Австралија Брендон Валкин и Исак Фрост. Првиот е суспендиран на шест, а вториот на 13 месеци.
Последните случувања доаѓаа по големиот скандал во Австралија и обвинувањата дека 18-годишниот јуниорски шампион на грен слемот во Мелбурн, Оливер Андерсон, бил вмешен во местење на мечеви.
Австралиските власти водат опсежна истрага поради сомнежите за нечесните работи во тенисот, а досега биле испитани 350 тенисери.
Учество во игри на среќа е дозволено за лица со 18+ години. Играј одговорно!