Суарез едвај трча, но веќе го договорил трансферот во новиот клуб

Напаѓачот на Гремио, Луис Суарез сепак ќе потпише за Интер Мајами.

Иако јавно призна дека едвај трча и не може да игра без инјекции и апчиња, Луис Суарез ќе продолжи да игра уште некое време.

Фабрицио Романо денеска потврди дека останува само формалност Суарез да потпише за Интер Мајами.

Таму го чекаат старите соиграчи од Барселона и неговите најблиски пријатели, пред се Лионел Меси, но и Серхио Бускетс и Жорди Алба.

Суарез се прости од Гремио со победничкиот гол против Васко Де Гама и се очекува наскоро да отпатува за Флорида за да го потпише договорот.

Да потсетиме, МЛС започнува дури во февруари, па Уругваецот пристигнува на почетокот на подготовките во јануари…