Повеќе од еден месец пред почетокот на Светското првенство, најдобриот стрелец во историјата на фудбалската репрезентација на Уругвај, 39-годишниот Луис Суарез, изјави дека е отворен за можно враќање во репрезентацијата. Да потсетиме, тој се повлече во септември 2024 година по конфликт со селекторот Марсело Биелса.
Улични кучиња: Системски или човечки проблем? | Уште еден поткаст
Пред повеќе од една и пол година, Суарез го обвини Биелса дека создава раздор во тимот и дека има ладен однос кон играчите. „Тогаш кажав некои работи кои не требаше. Мораш да бидеш способен да ги признаеш своите грешки, за мене тоа е сега поминато. Ако ми требаат, никогаш нема да кажам не на својата земја. Додека сум активен, ќе бидам на располагање,” рече поранешниот напаѓач на Ливерпул и Барселона, а сега на Интер Мајами.
Во текот на богатата кариера, Суарез одигра 143 натпревари за репрезентацијата и постигна рекордни 69 голови. Пред 15 години тој со Уругвај го освои титулата шампион на Јужна Америка и учествуваше на четири светски првенства, а ова би му било петто ако сегашниот селектор на Уругвај, Биелса, го врати во составот.
Учество во игри на среќа е дозволено за лица со 18+ години. Играј одговорно!