Сон: Поради Парк навивав за Манчестер Јунајтед

Сон Хонг Мин е еден од најдобрите играчи на Тотенхем.

Сега иако настапува во дресот на „петлите“, призна дека во младоста навивал за Манчестер Јунајтед.

„Навивав за Манчестер Јунајтед, а причината беше затоа што мојот сонародник Парк Џи-Сунг играше за нив. Парк е национален херој. Во Кореја за него ќе ви кажат дека има две срца. Сега е мој добар пријател. На некој начин тој ми ја отвори врата на Премиер лигата. Тогаш го поддржував Манчестер Јунајтед, сега секако тоа не е случај. Целосно сум посвете на Тотенхем“, изјави Сон.

Одличниот репрезентативец на Јужна Кореја е под знак прашалник за натпреварот против Челзи во в недела затоа што при обврските за репрезентацијата заработи повреда.

Лондонското дерби е закажано за в недела од 17:30 часот.