Дома Трансфер зона Симеоне му ја „краде“ најголемата желба на Конте

Симеоне му ја „краде“ најголемата желба на Конте

Тренерот на Интер, Антонио Конте е силно заинтересиран во своите редови да го донесе играчот на Челзи и шпански репрезентативец Маркос Алонсо.

„Нероаѕурите“ се на првото место на табелата во Серија А со два бода повеќе од Јувентус, па јасно е дека до крај ќе се бодат за Скудетото. Поради тоа Конте сака додатно да го засили тимот во зимскиот преоден рок, а прва желба е токму Маркос Алонсо.

Оваа сезона Алонсо не е прв избор кај Лампард, па наводно „сините“ се спремни да го пуштат во јануари, но проблем за „нероаѕурите“ може да биде големата конкуренција.

Имено, Диего Симеоне сака да го донесе Шпанецот во Атлетико Мадрид и веќе започнал да работи на трансферот. „Јорганџиите“ сакаат да го донесат Алонсо на позајмица до крајот на сезоната со право на откуп, а се чини дека „сините“ се спремни да ја прифатат понудата.

Алонсо е заинтригиран од понудата бидејќи ќе има шанса после десет години да се врати во својата татковина.

Коментари
Advertisements
Прочитајте поврзани статии
Load More In Трансфер зона

Проверете

Клоп има мета од 60 милиони евра

Ливерпул оваа година после 30 години чекање конечно ќе стигне до титулата во Премиер лигат…