Сергеј Самсоненко не „мрда“ од Вардар најмалку до 2020 година!

Вечерва пристигнуваат фантастични вести за навивачите Вардар.

Во последниот период постоеа шпекулации во спортската јавност дека Сергеј Самсоненко ќе го напушти Вардар, а со тоа воедно би се намалиле апетите на клубот, пред се на ракометниот.

Но, според информациите на „24ракомет“ повикувајќи се на изјави на луѓе од клубот Самсоненко останува во Вардар најмалку до 2020 година!

Наводно, Самсоненко се сретнал со играчите и им порачал дека нема да заминува и дека негова желба е да ги задржи најдобрите играчи и да продолжи успешната ера на клубот.

Во текстот се наведува дека наскоро би можела да биде одржана прес-конференција на која Самсоненко и официјално ќе го потврди своето останување.